A finais do pasado mes de decembro realizamos na Biblioteca Pública de Ourense un obradoiro de escenificación ao que chamamos "O lápis máxico".
Trátase de crear cos nenos unha proposta teatral a partir dun libro da biblioteca.
Eleximos o libro de Marie e as estrelas e certamente o resultado foi maravilloso.
Traballamos uns 20 nenos e nenas durante catro días. Fixemos a posta en escena, traballamos coa música e a luz, ensaiamos a manipulación dos títeres e a interpretación dos diferentes personaxes e o último día fixemos a representación, á que asistiron os pais e os usuarios da biblioteca
Realmente foi un traballo gratificante para todos.